وزير يشكو من تغيير بواجي مركبته مرتين خلال شهر

عمان1: شكا وزير الاتصالات وتكنولوجيا المعلومات السابق مروان جمعة من عملية تغيير " بواجي " مركبته مرتين خلال شهر ، في إشارة إلى مشكلة البنزين التي شغلت الرأي العام الأردني خلال الأيام الماضية .

حيث كتب جمعة عبر صفحته الشخصية على موقع التواصل الاجتماعي " الفيسبوك " : " الحمدلله صرت مغير بواجي مرتين بشهر وعلى حسابي طبعاً فالسوأل:

١. شو اعبي بالزبط؟ بيبسي مثلاً؟! مياه معدنية؟! زيت خروع؟!

٢. طيب بما انه الكل اقر انه المواصفات الجديدة ممتازة وبتحل كل المشاكل، البنزين اللي بالسوق اليوم نظيف ولا نصف سياراتنا لشهر شهرين عبين ما حضراتكم تخلصوا شغل وينظف البنزين؟!

٣. في ناس بتقول اخلط ٩٠ مع ٩٥!! شو قلبت الشغلة كوكتيل؟!؟ أحط ثلج ومصاصة كمان؟!

٤. مين بتحمل الخراب اذا الموتور بنضرب؟! كمان المواطن؟!؟

٥. اعتذارات شركات البنزين كيف ممكن اصرفهم بالزبط؟!

٦. واهم سؤال! مين بتحمل مسؤولية؟! ولا ارموا على المواطن وخلص؟؟!

بس شاطرين نشكل لجان تنبثق عنها لجان وننزل دعايات في كل محل انه شغلنا نظيف وبنزينا عظيم وبنخاف الله!! لو وفرتوا حملاتكم اللي ما الها طعمة وعوضتوا المواطن بدل البواجي والخراب بكون احسن!!

سارحة والرب راعيها!!! وادفع يلا!